कर्जत (प्रतिनिधी) : कर्जत शहरात रात्रीची घरफोडी करणारे दोन चोरटे कर्जत पोलिसांकडून जेरबंद करण्यात आले आहेत. याबाबत सविस्तर माहिती अशी की दिनांक 20/4/2021 रोजी विशाल नारायण दळवी राहणार शहाजी नगर कर्जत, यांनी फिर्याद दिली की, राहत्या घरात कुणीतरी अज्ञात चोरट्याने रात्री घराचा कडीकोयंडा तोडून आत प्रवेश करून 10,000 किमतीचा एम आय कंपनीचा मोबाईल व रोख 2000/रुपये चोरून न्हेले. सदर गुन्ह्याचा शोध घेण्याकरिता कर्जत पोलिस स्टेशन पोलीस निरीक्षक चंद्रशेखर यादव यांनी अधिकारी व पोलीस अंमलदार यांना सूचना व मार्गदर्शन करून गुन्हा उघड करण्याबाबत आदेशीत केले होते. तपास चालू असताना सदरचा गुन्हा हा श्रीगोंदा येथील आरोपींनी गोपनीय माहिती मिळाली. त्यावरून दिनांक 20/4/2021 रोजी 1) विकी विश्वास काळे, रा. श्रीगोंदा यास ताब्यात घेऊन चोकशी केली असता त्याने गुन्हा केल्याचे कबूल केले असून त्याचेकडून गुन्ह्यात गेलेला मोबाईल हस्तगत करण्यात आला आहे, तसेच त्याचा जोडीदार 2)नंद्या पायथ्या पवार, श्रीगोंदा यास दिनांक 24/4/2021 रोजी श्रीगोंदा येथून अटक करण्यात आली आहे.सदरची कारवाई मा. पोलीस अधीक्षक श्री. मनोज पाटील, अपर पोलीस अधीक्षक श्री. सौरभ अग्रवाल, उपविभागीय पोलीस अधिकारी श्री. अण्णासाहेब जाधव यांचे मार्गदर्शनाखाली कर्जत पोलिस स्टेशन चे पोलीस निरीक्षक चंद्रशेखर यादव,सपोनी सुरेश माने, पोलीस जवान अंकुश ढवळे, पांडुरंग भांडवलकर, श्याम जाधव, सुनील खैरे यांनी केली असून पुढील तपास पोलीस हवालदार सलीम शेख हे करत आहेत.
