प्रथमवर्ग न्यायदंडाधिकारी धनाजी पाटील यांना बदलीनिमित्त कर्जत पोलिसांकडून निरोप
कर्जत, दि. ५ जुन(प्रतिनिधी) : कर्जतच्या सर्व पोलिस अधिकारी व कर्मचारी बांधवांनी कायदा-सुव्यवस्था राखण्याबरोबरच कोरोना काळात आपला जीव धोक्यात घालून नागरिकांची सेवा केली. त्यांचे हे काम कौतुकास्पद आहेच परंतु त्यांनी स्वतःची व आपल्या कुटुंबाचीही काळजी घ्यावी' असे प्रतिपादन प्रथमवर्ग न्यायदंडाधिकारी धनाजी पाटील यांनी बोलताना व्यक्त केले. न्याय दंडाधिकारी धनाजी पाटील यांची नुकतीच कर्जत न्यायालयातून बारामती येथे बदली झाल्याने त्यांचा कर्जत पोलीस ठाण्यात निरोप समारंभ कार्यक्रम आयोजित करण्यात आला होता या समारंभाप्रसंगी ते बोलत होते.
