दोन पुरुषासह एका महिलेला अटक, कर्जत पोलिसांची मोठी कारवाई.
कर्जत (प्रतिनिधी) : कर्जत पोलिसांनी जबरी चोऱ्या करणाऱ्या अट्टल गुन्हेगारांना जेरबंद केले असून दोन पुरुषासह एका महिलेला अटक करून १,६२,०७० रुपयांचा माल जप्त केला आहे. याकामी कर्जत पोलिसांना ग्रामस्थांचीही मदत झाली आहे.
याबाबत सविस्तर माहिती अशी की, दि. 26/07/2021 रोजी दुपारी 03/00 वाजण्याच्या सुमारास कर्जत पोलिसांना फोन आला की रामचंद्र गायकवाड, राहणार शितपूर, तालुका कर्जत, यांच्या घरी चोरी झालेली आहे. तात्काळ पोलिस अधिकारी आणि पोलिस जवान घटनास्थळी रवाना झाले. सविस्तर माहिती घेतली असता दुपारच्या वेळी तक्रारदार रामचंद्र बाबासाहेब गायकवाड, वय 67 वर्ष ही आपल्या घरात झोपले असताना अचानक कपाटाचा आवाज आल्याने जाग आली. त्यांना घरात चोरटे दिसले. गायकवाड यांनी आरडाओरडा करण्यास सुरुवात केली असता त्यांना चोरट्यांनी लोखंडी टॉमीने जबर मारहाण केली व जबरदस्तीने त्यांच्याकडून त्यांच्या खिशातील व घरातील सोन्याचे दागिने व पैसे असा 2,20,000 रु चा माल जबदस्तीने काढून घेतला.
सदरचे आरोपी हे नागलवाडी च्या दिशेने पळालेले आहेत अशी माहिती मिळाल्यावर तात्काळ कर्जत पोलिस व गावकऱ्यांनी समोरच्या लोकांना फोन केले दरम्यान पाठलाग करत असताना तीन आरोपींपैकी एक आरोपी नामे ढेबऱ्या उर्फ रामेश्वर राम चव्हाण वय पंचवीस वर्ष राहणार ब्रह्मगाव, तालुका आष्टी, जिल्हा बीड हा मिळून आला त्यास विचारपूस केली असता योग्य ती माहिती दिली नाही. त्यानंतर कर्जत पोलिसांनी तात्काळ नागलवाडी मधून ज्या दिशेने रोड जातात त्या दिशेला पोलीस अधिकारी व जवान यांना रवाना झाले. पाठलाग सुरू झाला. माहिती घेत घेत शेवटी पोलिसांनी आष्टी येथे रामेश्वर जंगल्या भोसले, वय 25 वर्ष व धला उर्फ मोहिनी रामेश्वर भोसले वय 22 वर्ष, राहणार आष्टी, जिल्हा बीड यांना ताब्यात घेतले त्यांची सखोल विचारपूस केली व अंग झडती घेतली असता चोरी गेलेला काही माल त्यांच्याकडे मिळून आला. वरील नमूद तिन्ही आरोपींना अटक करून विचारपूस केली असता आरोपी 1)ढेबऱ्या चव्हाण, 45 वर्ष, रा. ब्राम्हगाव, ता. आष्टी, 2)रामेश्वर भोसले, 26 वर्ष, रा. आष्टी व 3)कुकड्या उर्फ प्रफुल्ल भोसले, राहणार पिंपरखेड, तालुका आष्टी, जिल्हा बीड यांनी केल्याचे कबूल केले सदर दोन पुरुष(अ क्र 1 व 2) व एक महिला आरोपी 4) धला उर्फ मोहिनी भोसले, 22 वर्ष, रा आष्टी यांना सदर गुन्ह्यात अटक करण्यात आली असून त्यांच्याकडून गुन्ह्यात वापरलेली काल्या रंगाची होंडा शाईन मोटर सायकल एम एच 23, बी. 1952, सॅमसंग कंपनीचा मोबाइल, सोन्याचे दागिने, रोख रक्कम असा 162070/- रुपयाचा माल जप्त करण्यात आला आहे. यातील अटक आरोपींवर यापूर्वीचे घरफोडी, जबरी चोरी, दरोडा, दरोड्याचा प्रयत्न असे 4 गुन्हे दाखल आहेत. सदर आरोपींना माननीय न्यायालयासमोर हजर केले असता न्यायालयाने त्यांना पाच दिवस पोलिस कोठडी सुनावली आहे.
ग्रामस्थांनी अशा वेळी ग्राम सुरक्षा यंत्रणेचा वापर करावा, 18002703600 या क्रमांकावर कॉल करावा. गावातील नागरिकांना आणि ज्या दिशेने चोरटे पळाले आहेत त्या गावचे नाव घेऊन कॉल करावा. चोरटे मुद्देमालासह मिळून येतील. फक्त आरोपी मिळून आल्यावर त्यांना मारहाण करू नये.
- चंद्रशेखर यादव, पोलीस निरीक्षक
सदरची कारवाई कर्जत पोलीस स्टेशन चे पोलीस निरीक्षक श्री. चंद्रशेखर यादव, सपोनि सुरेश माने, पोसई अमरजीत मोरे, किरण साळुंके पोहेका प्रबोध हंचे, बबन दहिफळे, पोना शाम जाधव, रवी वाघ सुनील खैरे, महादेव कोहक, संतोष फुंदे, गोवर्धन कदम, गणेश काळाने, बळीराम काकडे, मपोका राणी व्यवहारे, रिंकी माढेकर यांनी केली.
