कर्जत (प्रतिनिधी) : मोबाईल शॉपी फोडून मोबाईल चोरी करणाऱ्या तीन चोरट्यांच्या मुसक्या कर्जत पोलिसांनी आवळून 4,20,000 रु किमतीचे चे 21 मोबाईल जप्त केले आहेत. दिनांक 11/07/ 2021 रोजी प्रमोद पोपट चव्हाण राहणार धालवडी तालुका कर्जत यांनी फिर्याद दिली की, कुळधरण गावात रोडवर माझे प्रगती मोबाईल शॉपी दुकान रात्री कोणीतरी अज्ञात चोरट्याने दुकानाचे शटर उचकटून दुकानातून 5,20,000 रु किमतीचे 26 नवीन मोबाईल चोरून नेले आहेत. वगैरे हकीगत वरून कर्जत पोलिस स्टेशनला गुन्हा दाखल करण्यात आला होता.सदर गुन्हा घडले, ठिकाणी पोलीस अधिकारी आणि जवान यांनी भेट देउन सदरचा गुन्हा उघड करणे बाबत प्रयत्न सुरू करण्यात आले. पोलीस अधिकारी आणि जवान परिसरातील गुन्हेगार चेक करत असतानाच गुप्त बातमीदारामार्फत बातमी मिळाली की सदरची मोबाईल शॉपीची घरफोडी ही आष्टी, जिल्हा बीड तसेच बेनवडी, तालुका कर्जत आणि करमाळा येथील आरोपींनी केली आहे आणि आता ते आरोपी चीलवडी गावचे शिवारात वीटभट्टीवर काम करत आहेत. तात्काळ पोलीस अधिकारी कर्मचारी यांना सदर ठिकाणी जाऊन सापळा लावून संशयित इसम
1) पप्पू सर्जेराव गायकवाड, वय 25 वर्ष, रा. धामणगाव, तालुका आष्टी, जिल्हा बीड
2) सुरज बाळु गायकवाड, वय 20 वर्ष, रा बेनवडी, ता कर्जत यांना ताब्यात घेऊन कसून विचारपूस केली असता त्यांनी गुन्हा केल्याचे कबूल केले. त्यांनी अधिक माहिती दिली की सोबत आणखी दोन जोडीदार आहेत, ते खडकी ता. करमाळा येथील आहेत. सदर माहिती वरून खडकी येथे जाऊन
3) विकास कैलास घोलवड, रा. खडकी, ता. करमाळा यास मोठ्या शिताफीने ताब्यात घेतले.
सर्व आरोपींकडून गुन्ह्यातील चोरी केलेली 4,20, 000 रु किमतीचे एकूण 21 मोबाईल जप्त करण्यात आले आहेत. सदर गुन्ह्याचा पुढील तपास पोलिस अमलदार सुनील माळशिखरे, भाऊसाहेब यमगर, विकास चंदन हे करत आहेत.
सदरची कारवाई कर्जत पोलीस स्टेशनचे पोलीस निरीक्षक श्री चंद्रशेखर यादव , सहाय्यक पोलीस निरीक्षीक सुरेश माने, पोसई भगवान शिरसाठ, पोलीस अंमलदार अंकूश ढवळे, सुनिल माळशिखरे, पांडुरंग भांडवलकर, श्याम जाधव, सुनिल खैरे, गोवर्धन कदम, अमित बर्डे, गणेश भागडे, सागर म्हेत्रे, शकिल बेग, विकास चंदन, नितीन नरुटे यांनी केली.
