कर्जत (प्रतिनिधी) : कर्जत मधील टायर दुकानदारांना टायरचा मी डीलर आहे असे सांगुन त्यांचे कडून टायरच्या वॉर्डर करीता पैसे अकाउंटला मागून घेऊन त्यांना टायर न देता मिळालेले पैसे फसवणूक करून स्वतःकडे ठेवणाऱ्या मास्टर माईंड ला कर्जत पोलिसांनी शिताफीने अटक केली आहे.
याबाबत सविस्तर माहिती अशी की, कर्जत मधील टायर दुकानदाराची 6,83,000 रू ची फसवणूक केली होती, त्या संदर्भात जानेवारी महिन्यात कर्जत पोलीस स्टेशन गु र न 19/2021 भादवी कलम 420,406 प्रमाणे फिर्याद दाखल करण्यात आला होता. त्यानुसार पोलसांनी तपास सुरु केला परंतु आरोपी गणेश कांताराव पिंगळकर हा पुणे तसेच मुबई फिरून पोलिसांना चकवा देत होता. पोलीस निरिक्षक चंद्रशेखर यादव यांच्या सुचना व मार्गदर्शनाखाली आरोपीचा शोध चालूच होता. आरोपी हा त्याचे मूळ गावी हिंगोली जिल्हा तेथे असल्याची माहिती मिळताच टीम पाठवून आरोपी गणेश कांतरव पिंगळकर, वय 31 वर्ष, यास ताब्यात घेतले असता त्याने गुन्हा केल्याचे कबूल केला. सदर गुन्ह्यात अटक त्याला अटक करण्यात आला असून गुन्ह्याचा पुढील तपास सपोनि सुरेश माने करत आहेत. अटक आरोपीवर फसवणुकीचे 6 गुन्हे दाखल आहेत.
सदरची कारवाई कर्जत पोलीस स्टेशनचे पोलीस निरीक्षक श्री चंद्रशेखर यादव , सहाय्यक पोलीस निरीक्षीक सुरेश माने, पोलीस अंमलदार श्याम जाधव , सुनिल खैरे, सचिन वारे यांनी केली आहे..
