मुख्यमंत्र्यांच्या हस्ते होणार गौरव.
कर्जत (प्रतिनिधी) : महाराष्ट्र शासनाच्या कृषी विभागामार्फत राज्यभरातून घेण्यात आलेल्या पिक स्पर्धेत कर्जत तालुक्यातील निमगाव गागंर्डा येथील शेतकरी दिपक तुकाराम ढगे यांनी सन २०२२-२३ मध्ये खरीप हंगामात झालेल्या पिक स्पर्धेत सहभाग घेतला होता. उडीद पिकाच्या उत्पादकतेत ते राज्यात प्रथम आले आहेत.
तालुकास्तरावर प्रथम आल्याबद्दल ५ हजार रुपये, जिल्हास्तरावर प्रथम आल्या बद्दल १० हजार रुपये , राज्यात प्रथम आल्या बद्दल ५० हजार रुपये या पद्धतीने एकुण एकत्रित ६५ हजार रुपये च्या पुरस्काराचे दिपक ढगे हे मानकरी ठरले आहेत.
मुख्यमंत्री व पालकमंत्री यांच्या हस्ते होणार सत्कार
६ मे रोजी होणाऱ्या खरीप आढावा बैठकीत त्यांना अहमदनगर चे पालकमंत्री राधाकृष्ण विखे पाटील यांच्या हस्ते तसेच लवकरच राज्य स्तरावर होणाऱ्या खरीप आढावा बैठकीत त्यांना मुख्यमंत्री यांच्या हस्ते गौरवण्यात येणार आहे.
