कर्जत (प्रतिनिधी) : तब्बल पन्नास ते साठ हजार लिटर शिपी आमटी, १०० पोते गव्हाच्या चपात्या असा लक्ष लक्ष भोजन महाप्रसादाचे आयोजन करत, श्री संत सद्गुरू गोड महाराज यांचा जन्मोत्सव सोहळा मोठ्या उत्साहात व भक्तीभावाने साजरा करण्यात आला.
कर्जत येथील ग्रामदैवत सद्गुरु गोदड महाराज यांच्या जन्मदिवसाच्या निमित्ताने ध्यान मंदिर पाटील गल्ली येथे विविध धार्मिक कार्यक्रमांचे आयोजन करण्यात आले होते.
जन्मोत्सव सोहळ्यानिमित्त भाविकांनी घरासमोर सडा, रांगोळी, तोरण व गुढी उभारून महाराजांच्या जन्माचे स्वागत केले, यावेळी ह भ प दयानंद महाराज कोरेगावकर यांचे जाहीर हरिकीर्तन पार पडले, किर्तनानंतर महाआरती करण्यात आली, कर्जत तालुका तालीम संघाचे अध्यक्ष, मा जि प सदस्य पै प्रवीण घुले पाटील यांनी गोदड महाराजांविषयी माहिती दिली, व यानंतर राबविण्यात येणाऱ्या उपक्रमांची माहिती दिली. आलेल्या सर्वांचे स्वागत करून आभार मानले. जन्मोत्सवानिमित्त तब्बल ५० ते ६० हजार लिटर शिपी आमटी बनवण्यात आली होती, शिंपी आमटीच्या महाप्रसादाचा लाखो भाविकांनी लाभ घेतला.
बारा वर्षांपासून परंपरा कायम.
ग्रामदैवत गोदड महाराज यांच्या जन्मोत्सवानिमित्त भाविकांना शिपी आमटीचा महाप्रसाद देण्यात येतो, कर्जत तालुका तालीम संघाचे अध्यक्ष, मा जि प सदस्य पै प्रवीण घुले पाटील यांनी सुरू केलेल्या शिंपी आमटीचा प्रसाद देण्याची परंपरा गेल्या बारा वर्षांपासून अखंडपणे सुरू आहे. शंभर भाविकांच्या प्रसादापासून ही परंपरा सुरू झाली होती, आता लाखो भाविकांच्या महाप्रसादापर्यंत पोहोचली आहे.
