कर्जत (प्रतिनिधी) : तालुक्यातील निमगाव गांगर्डा येथील रहिवासी परमपूज्य महंत रामसगावकर बाबा शेवलीकर उर्फ रामभाऊ यदु गांगर्डे (वय : ८४ वर्षे) यांचे वृद्धापकाळाने नुकतेच निधन झाले. ते पाटबंधारे विभागाचे कर्मचारी दत्तात्रय गांगर्डे व दिगंबर गांगर्डे यांचे वडील होत, परिसरात महानुभाव पंथाचा प्रचार, प्रसार करण्यात त्यांचा मोलाचा वाटा होता. त्यांच्या पश्चात दोन मुले, एक मुलगी, सुना, जावई , नातवंडे असा मोठा परिवार आहे. त्यांच्या दुःखद निधनाने हळहळ व्यक्त होत आहे.
