कर्जत (प्रतिनिधी) : कर्जत मिरजगाव येथील जिजाऊ इंग्लिश स्कूलच्या विद्याथ्र्यांनी छत्रपती जिनिंग अँण्ड प्रोसिंग ऑईल मिलला या कारखान्याला भेट देत, येथील मशिनरींची पाहणी करत कच्च्या मालावर यांत्रिकीकरणातून कशी प्रकिया केली जाते, याबाबत घडे घेतले.
ग्रामीण भागातील विद्यार्थ्यांना फक्त शाळा व तेथील उपक्रमा शिवाय इतर काही माहिती होत नाही तसेच ग्रामीण भागात बहुतेक करून शेतकरी वर्ग जास्त आहे. प्रत्येक मुलांना कापूस आपल्या शेतात लावणी पासून काढणी पर्यंत माहीत असतो, तो काढून कापसाचे पुढे काय होते. ते त्यांना माहीत नसते, कापूस काढून त्याची व्यापाऱ्यांना विक्री केली जाते आणि त्याचे पैसे मिळतात एव्हढेच माहीत असते, पण आपल्या शेतात कापूस लावतात व जास्तीत जास्त उत्पादन कसे निघेल, यासाठी शेतकरी प्रयत्न करत असतात तेच फक्त मुलांना माहीत असते पुढे त्या कापसाचे काय केले जाते हे माहीत होण्यासाठी जिजाऊ इंग्लिश स्कूलच्या चिमुकल्या विद्यार्थ्यांनी मिरजगाव येथील छत्रपती जिनिंग अँड ऑइल मिलला भेट देत तेथील कामाची सविस्तर माहिती मिळवली. यावेळी छत्रपती जिनिंग जास्तीत अँण्ड ऑईल मिलचे संचालक राहुल पवार व दादासाहेब बांदल यांनी मुलांना सविस्तर माहिती दिली. तसेच मुलांना खाऊ वाटप केले.
या उपक्रमाकरिता संस्थेचे संस्थापक अध्यक्ष केशव शिंदे व सचिव शर्मिला केशव शिंदे यांनी मार्गदर्शन केले होते. तसेच सहाशिक्षका उर्मिला त्यंबके, सरिता लाढणे, निकिता माळवदे, सुरेखा क्षिरसागर, प्रतीक्षा उल्हारे, प्रियदर्शनी मुंगीकर, आशा पवार, पांडुळे काका, दत्तात्रय सकट, संतोष कोरडे, जालिंदर बनकर, दत्तात्रय खेडकर, क्रिश शिंदे यांनी विशेष सहकार्य केले.
" विद्यार्थ्यांना शालेय जीवनात इतर क्षेत्रातील अवांतर ज्ञान असावे, जेणेकरून भविष्यातील भावी नवं उद्योजक तयार व्हावेत या प्रेरणेने हा उपक्रम राबविला असुन यामुळे विद्यार्थ्यांच्या ज्ञानात आणखीन भर पडेल. तसेच विद्यार्थ्यांना कोणत्या क्षेत्रात आवड आहे, ते लहानपनापासूनच त्यांच्या मनात रुजवून त्यांची यशस्वी वाटचाल होईल. या मागील हा दृष्टिकोन आहे. "
- केशव शिंदे, संस्थापक अध्यक्ष, जिजाऊ इंग्लिश स्कूल, मिरजगाव
"ग्रामीण भागातील शालेय विद्यार्थ्यांना यांत्रिकीकरणाची माहिती मिळणे आवश्यक आहे. प्रत्येक शाळेने विद्यार्थ्यांना शैक्षणिक जीवनात वेगवेगळ्या ठिकाणी प्रोजेक्ट दाखवून त्यांना यांत्रिकीकरणाची माहिती दिल्यास विद्यार्थ्यांना ती सध्याच्या यांत्रिकीकरणाच्या युगात फायद्याचे ठरेल व यातून चांगला संदेश मिळेल."
- दादासाहेब बांदल, राहुल पवार, संचालक छत्रपती जिनिंग
