कर्जत (प्रतिनिधी) : तालुक्यातील राशीन येथील चोरी गेलेल्या एटीएम चोरीचा छडा लावत कर्जत पोलिसांनी अवघ्या चार तासात एटीएम चोरटे जेरबंद केले आहेत.
याबाबत पोलीस सूत्रांनी दिलेली अधिक माहिती अशी की, मंगळवार दि. ३ ऑक्टोबर रोजी पहाटे पावणेचारच्या सुमारास तालुक्यातील राशिन येथील दोशी पेट्रोलपंपाशेजारी असणारे हिताची कंपनीचे ए. टी. एम. मशीन ५ ते ६ अज्ञात चोरट्यानी चोरुन नेल्याची घटना घडली होती.
याबाबत दत्तात्रय मारुती परहर (रा. विठाईनगर, कर्जत) यांच्या फिर्यादीवरून कर्जत पोलीस ठाण्यात गुन्हा दाखल करण्यात आला आहे. त्यामध्ये ४,६७,००० रुपये रोख रक्कम व ५,००,००० रुपये किमतीचे एटीएम मशिन चोरीस गेले आहे.
सदर सदर घटनेची माहिती मिळताच पोलीस निरीक्षक घनशाम बळप यांनी घटनेबाबत नियंत्रण कक्ष अहमदनगर यांचे मार्फत नियंत्रण कक्ष सोलापुर, नियंत्रण कक्ष पुणे, नियंत्रण कक्ष बीड यांना तसेच व्हाट्सअप ग्रुपवर माहिती शेअर केली व आपापले हद्दीत नाकाबंदी लावणेबाबत कळविले होते, तसेच राशिन दुरक्षेत्र येथे रात्रगस्त करिता नेमलेले पोकाँ धस व होमगार्ड यांना करपडी फाट्याजवळ नाकाबंदी करणेबाबत आदेशित केले. पोका धस व होमगार्ड केदारी हे नाकाबंदी करत असताना एटीएम चोरुन नेणारी पिकअप त्यांना दिसली त्यांनी सदरची पिकअप चेक केली असता त्यामध्ये एटीएम व आरोपी दिसले त्यापैकी पाठीमागे बसलेले आरोपी यांनी कोयता व काठी घेवुन पोका धस याचेवर उगारली ते मागे सरल्याने संधीचा फायदा घेवुन चोर पळुन गेले. पोलीस निरीक्षक बळप यांनी स्वतः अधिकारी व अंमलदार यांचेसह घटना ठिकाणी भेट देऊन घटनेबाबत वरिष्ठांना माहिती दिली असता उपविभागीय पोलीस अधिकारी विवेकानंद वाखारे, व परिविक्षाधीन पोलीस उपअधिक्षक अरुण पाटील यांनी तात्काळ घटनास्थळी भेट देवून सदर गुन्ह्याची उकल करण्यासाठी ४ पोलीस पथके तयार केली.
दरम्यान माढा पोलीस स्टेशनला माहिती मिळाली की, माढा पो. स्टे. हद्दीत काही ईसम लोंढेवाडी गावच्या शिवारात एटीएम मशिन गॅस कटरने कट करुन पैसे काढत आहेत. माहिती मिळताच माढा पोलीस स्टेशनचे अधिकारी व अंमलदार त्या ठिकाणी गेले असता, ए. टी. एम. चोर तेथुन पिकअपसह पळुन जावु लागले, पोलीसांनी त्यांचा पाठलाग केला असता पिकअप वाकाव रेल्वे स्टेशन ता. माढा जि. सोलापुर येथील नाल्याखाली चिखलात फसल्याने ते पिकअप सोडुन उसाचे शेतात पळून गेले. स्थानिक नागरिकांचे मदतीने पळुन गेलेल्या आरोपींपैकी अविनाश मारुती उंडे (रा. उंडेगाव ता. बार्शी जि. सोलापुर), सतीश शहाजी खांडेकर (रा. वडनेर ता. परांडा जि. सोलापुर), महादेव नागेश उर्फ नागनाथ सलगर (रा. उंडेगाव ता. बार्शी जि. सोलापुर) असे ३ आरोपी माढा पोलीसांनी पकडले. तसेच एक विधीसंघर्षीत बालक मिळुन आल्याने त्यास ज्युव्हेनाईल जस्टीस अॅक्ट चे नियमाप्रमाणे ताब्यात घेण्यात आले. तोपर्यंत कर्जत पोलीस स्टेशनचे निरीक्षक घनशाम बळप हे टीम सह माढा पोलीस स्टेशन जि. सोलापुर येथे पोहचले. त्यापाठोपाठ काही वेळाने अहमदनगर स्थानिक गुन्हे शाखेचे सपोनि थोरात व स्टाफ हे देखील माढा जि. सोलापुर येथे पोहचले. त्यांनी आरोपींना ताब्यात घेवुन त्यांचेकडे चौकशी केली असता त्यांनी राशिन ता. कर्जत येथील एटीएम मशिन चोरी केल्याने कबुल केले. त्यांच्याकडे एटीएम मशिन मधील चोरलेल्या रकमेपैकी ३,११,१०० रुपये रोख रक्कम मिळुन आली सदरची रक्कम व गुन्ह्यात वापरलेला ४,००,००० रुपये किमतीचा पिकअप, ५,००,०० रुपये किमतीचे एटीएम मशिन असा एकुण १२ लाख ११ हजार १०० रुपये किमतीचा मुद्देमाल गुन्ह्याचे तपासकामी पोलीस उपनिरीक्षक सालगुडे यांनी सविस्तर पंचनामा करुन जप्त केला आहे. . सदर गुन्ह्याचा पुढील तपास पोलीस उपनिरीक्षक सालगुडे , पोलीस कॉन्स्टेबल वैभव गांगर्डे हे करत आहेत.
सदरची कारवाई उपविभागीय पोलीस अधिकारी विवेकानंद वाखारे, परि पोलीस उपअधिक्षक अरुण पाटील यांच्या मार्गदर्शनाखाली कर्जत पोलीस ठाण्याचे पोलीस निरीक्षक घनशाम बळप, पोलीस उपनिरीक्षक अनंत सालगुडे, पोलीस उपनिरीक्षक मंगेश नागरगोजे, पोलीस उपनिरीक्षक प्रदिप बो-हाडे, पोना संभाजी वाबळे, पोना पांडुरंग भांडवलकर, पोना रविंद्र वाघ, पोकों दिपक कोल्हे, महादेव कोहक, लक्ष्मण ढवळे, अर्जुन पोकळे, नितीन धस, मनोज मुरकुटे, विशाल क्षीरसागर, अमोल रायकर, मपोक राणी व्यवहारे तसेच माढा पोलीस स्टेशनचे पोलीस निरीक्षक खणदाळे, पोकाँ संजय घोळवे यांनी केली आहे.
